Dr. Ahmed İhsan Kırımlı Edebiyat Yarışmasında son tarih 31 Ocak

Dr. Ahmed İhsan Qırımlı adına II Edebiyat Yarışı Qırım Türkleri Kültür ve Yardımlaşma Derneginiñ  Umumiy Merkezi (Qırım Dernegi) ve Qırım Türkleri Kültür ve Yardımlaşma Vaqfı (Qırım Vaqfı) tarafından teşkil etile.Qırımtatar Milliy Meclisiniñ himayesinde  Qırım Dernegi tarafından teşkil etilgen yarışnıñ teşkiliy komiteti: Qırım Dernegi (Anqara), Qırım Vaqfı (Anqara), Qırımtatar Milliy Meclisi, Qırım Mühendislik ve Pedagogika Üniversiteti, Qırım Haber Ajansı (QHA).Qırımtatar diasporasınıñ dünyaca belli erbaplarından Qırım Dernegi ve Qırım Vaqfı Umumiy reisi merhum Dr. Ahmed İhsan Qırımlı adına teşkil etilgen yarış bir yıl şiir, diger yılı ise nesir sahasında keçirilecek. 2010–2011 s.s. ilk yarış şiir sahasında keçirildi ve Dilâra İbrahimova birinci yerni qazandı. 2012–2013 seneleriniñ yarışı hikâye sahasında keçirilecektir.Yarışnıñ baş sponsorı QırımVaqfı. Ayrı şahıs ve teşkilâtlarnıñ bu fondğa yapacaq hisseleri mükâfat raqamlarınıñ daha da yükselmesini temin etecek. Qırım Derneginiñ umumiy qanunlarğa köre dernek olması sebebinden yarışmağa yapacaq maddiy qoltutuvı vergilerden tamamen azat olacaqtır.Eserlerni 2013 senesi yanvar 31-ge qadar muracaat@drkirimli.org adresine yollamaq kerek.Yarışnıñ qaideleri:1- İştirakçiler  12-29 yaş arasında olmalı.Eserler eki yaş kategoriyasına köre qabul etilecekler:a– 17-29 yaş arası (doğum tarihı 01.01.1982–31.12.1994 arası olğan gruppa)b– 12-16 yaş arası (doğum tarihı 01.01.1995–31.12.1999 arası olğan gruppa)2- Eserler Qırımtatar halqınıñ Milliy Qurultayı tarafından qabul etilgen Latin elifbesinen qırımtatarca yazılması şarttır.3- Yollanacaq eser yaki eserler, daha evel hiç bir yerde ve hiç bir usulnen neşir etilmemeleri şarttır.4- Yarışta bir qaç esernen iştirak etmek mümkündir.5- Yarışnı teşkil etken teşkilâtlarnıñ idaresi, Yuqarı Şura ve yarış komissiyasına aza olğan şahıslarınıñ qorantalarına ait kişiler yarışta iştirak etip olamazlar.6- Yollanacaq eser, yarışnıñ İnternet saytında numayiş etilgen nümune eser qalıbı boyunca hazırlanmalı.7- Müracaatlar İnternet vastasınen e-poçtanen yapılacaq.8- İştirakçiler  eserlerinen beraber  pasportlarınıñ ya da doğum haqqında şehadetnameleriniñ skanerden keçirilgen kopiyalarını ve qısqa  tercimeihallarını (avtobiografiyalarını/özgeçmişlerini) yollamaları şart.9- 2012–2013 senesi yarışnıñ soñki müracaat tarihı – 2013 s. yanvar (ocak) 30 künü. Mükâfatlar aprel (nisan) 23 künü taqdim etilecekler.10- Yarışnı teşkil etken teşkilâtlar yarışqa yollanğan eserlerniñ, ğalebe qazanğan ya da qazanmağanlarına baqmayıp, neşir etüv hususunda tam haq-huquqqa sahiptirler.11- Yarışqa birden ziyade eser yollağan iştirakçiler tek bir esernen ğalebe qazanabilecekler.12- Yarışta ğalip tanılğan iştirakçiler, mükâfatları berilmezden evel Yarış komissiyası tarafından mülâqattan (suhbetten) keçirilecekler, yalıñız mülâqattan (suhbetten) soñ mükâfat qazanğanlarnıñ adları ilân etilecek.MükâfatlarYarış komissiyası birinci, ekinci,  üçünci  yerni qazanğan ve  ümüt bergen laureatlarnı belgileyecek.17–29 yaş kategoriyası  içün  mükâfatlar:1-inci yer : 4000 $2-inci yer : 2000 $3-ünci yer : 1000 $* Ayrıca komissiya tarafından saylanğan 5 kişige rağbetleyici mükâfat berilecek.12-16 yaş kategoriyasında olğan ve komissiya saylağan farqlı beş eserniñ müellifine laureat olaraq 200 $ para mükâfatı berilecek.Müracaat: Yarışqa müracaat usulı e-poçtanen yapılacaqtır. Başqa usulnen yiberilgen hikâyeler yarışqa qoşulmaycaqtır.Müracaatlar içün e-poçta adresi: muracaat@drkirimli.orgEserler aşağıdaki talaplarğa köre hazırlanmalı:Format: MS Word 2003 (*.doc); hariflerniñ şekli: Times New Roman; hariflerniñ  büyükligi (punto): 12; satırlar arasındaki boşluq: 1,5 satır.İlk sahifede eserniñ adı, iştirakçiniñ adı ve soyadı, doğum tarihı, cep telefonı nomerası, ev adresi, e-poçta adresi, oquğan mektebi (okulu)/çalışqan yeri  kibi  malümatlar yer almalı. Eserlerniñ kölemi, ilk sahifenen beraberlikte eñ çoq 15 sahife olmalı.