KTMM Başkanı Refat Çubarov'dan İzet İzedinov için taziye mesajı

Kırım Tatar Milli Meclisi Başkanı Refat Çubarov, koronavirüs salgınına yakalanarak yaşamını kaybeden Kırım Tatar milli hareketi emektarı İzet İzedinov için taziye mesajı yayımladı. Çubarov mesajında, “İzet Aga onu tanıyan ve onu dost bilen insanların hatıralarında cesur milletperver insan olarak yaşayacaktır.” ifadeleri kullandı.

Kırım Tatar Milli Meclisi (KTMM) Başkanı Refat Çubarov, 15 Şubat 2021 tarihinde koronavirüs nedeniyle vefat eden Kırım Tatar milli hareketi emektarı İzet İzedinov için taziye mesajı yayımladı. Dünyayı etki altına alan yeni tip koronavirüs salgınının Kırım Tatar halkına büyük kayıplar yaşattığını belirten KTMM Başkanı, “Yaşına göre çok faal ve çok dinç, sağlam bir insandı. Coşkulu bir milletseverdi.” şeklinde açıklama yaptı.

Mesajda, "Onu tanıyan, onu dostu olarak gören insanların hatıralarında; mülayim, alçakgönüllü, güler yüzlü, gayet atik, daima yeni faydalı gayeler ve büyük planlar ile dolup yaşayıp gelen, cesur milletperver bir insan olarak yaşayacaktır. Öyle bir zaman gelir ki, onun adı herhangi bir sokağa verilir ve onun kendi elleriyle inşa ettiği ve son 30 yıl yaşadığı evinde hatıra levhası asılır, çünkü o buna layıktır." ifadelere yer verildi.

Kırım Tatar Milli Meclisi Başkanı Refat Çubarov’un Kırım Tatarca yayımladığı mesajın tam metni şu şekilde:

ELVIDA, İZET AĞAMIZ

Halqımızğa büyükten-büyük zarar ve accı coyuqlar ketirgen cian tac marazı, saflarımızğa nevbetteki kere toqunıp, aramızdan, yaşına köre eñ faal ve çoq tendürist, sağlam insan, ateşin milletsever ağamıznı çekip alıp ketti.

Bu demesi, 15-fevralniñ sabası İzet ağa İZEDIN eki buçıq afta yatqan hastaneden, onıñ yüregi dayanmayıp, uruvdan toqtağanı, cümle yaqınlarını ve sayısı yüzlernen dostlarını teren qayğı ve teessüflerge bıraqqanı aqqında ağır haber keldi.

İzet ağanıñ Milliy areketimizdeki yeri daima ayrı, körümli ve ğayet semereli edi. O, 73 yıldan soñra (1991) Ekinci Milliy Qurultayımıznı ğayrıdan meydanğa ketirmeknen oğraşqan nufuzlı teşkiliy gruppağa kireyatqanda, Qırım davasına qoşulğanına endi 30 yıldan ziyade olıp, bayağı tecribe saibi sıfatında belli edi.

Asılında, onıñ aqsızlıqqa ilk itirazları daa mektep çağından – 1951-52 ss. "halqlar babası"na mektüp yazıp ve ne içün doğmuş Qırımında oña yaşamağa yasaq, dep sorağanından başlanğan edi…

İzet ağa İZEDIN OĞLU 1938 senesi 23-fevralde, Qırımnıñ qoyu dağ tarafında – memuriy ceetten Aq-Yarğa baqqan ve cenkten soñ yer yüzünden silingen Çamlı-Özenbaş köyünde, çoq (on) balalı qorantada dünyağa keldi. Cinaiy sürgünlik neticesinde o qoranta Taşkent vilâyeti Aq-Qurğan rayonına tüşe ve mında sağ qalmaq içün küreşe.

Mektepni bitirgen soñ İzet 1957 s. tırıştı Qırım köy hocalığı institutına kirmege, amma olmadı. Onıñ yerine Taşkentte tehnikum ve, soñra, politehnika institutını bitirdi, qurucı oldı. Bu saada yüksek yolbaşçılıq, şu cümleden, trest idarecisi vazifesınde çalıştı. Bunıñnen beraber, 1960-80-ncı seneleri Milliy arekette faaliyet kösterdi, Cebbar AKIMOV, Mustafa SELIMOV kibi yetekçilernen sıq bağ tuttı, olarnıñ avalelerini becerdi. Defalarca Moskvada olıp, andaki mesül memurlarnen körüşti, safdaşlarınen beraber halqımıznıñ talaplarını seslendirdi.

Milliy Qurultay qurumı tiklenilgen soñ İzet ağa bir qaç kere onıñ mebusanı olaraq saylanıldı. Soñki otuz yıl içinde ötkerilgen cümle siyasiy aktsiyalarda, şu cümleden, tarihqa "portaqal tüs inqilâbı" adınen kirgen vaqialarda çoq faal iştirak etti. Anda bütün memleketten toplanğan cemaatqa qırım halqınıñ maqsatlarını añlatqanlar arasında oldı.

Merkeziy Saylav komissiyanıñ daimiy azası olaraq Beşinci ve Altıncı Milliy Qurultay saylavları muvafaqiyetli ötkerilmesinde onıñ issesi salmaqlıdır. O, köy-qasabalarda vatandaşlarımıznen muntazam sürette körüşip turdı, teşviqat ve teşkiliy işlerini usanmay alıp bardı.

2014 s. siyasiy deñişmelerini İ. İZEDINOV bir facia kibi qabul etti. Halqara uquq qanuncılığı üküm sürmesini talap etkenler arasında olıp, 26-fevral, 3-mayıs, 18-mayıs ve diger kütleviy tedbirlerde faal iştirak etti. Özüniñ bu ceetten baqışlarını o, iç de gizlemey ve fikirlerini söylemekte edi.

Şu devirde de başlağan ve yıllarnen devam etken soñusız siyasiy mahkemelerge er vaqıt barıp, rejim tarafından büyük apis müddetlerge cezalanğan vatandaşlarımızğa daimiy sürette öz göñüldeşligini bildirip, qolundan kelgen yardımını etip turdı.

İzet ağa "Biz – qırımlar! Mı – krımtsı!" qalın kölemli tarihiy-siyasiy cıyıntıqnıñ tertip eticilerinden biridir (2007), meşur cebe kınooperatorı Kennan Kutub-zadeniñ hatırasını ebediyleştirgenlerden biridir. Körümli erbabımız M. SELIMOVNIÑ hatırlavlar cıyıntığı çıqmasınıñ teşebbüsçisidir. Onıñ bu saadaki hızmetleri de çoq qıymetlidir.

İzet ağa, onıñ bilgenler, onı öz dostu sayğanlarnıñ hatırasında mulâyim, alçaqgöñülli, küleryüzlü, ğayet atik, daima yañı faydalı ğayeler ve büyük planlar ile tolu yaşap kelgen, cesür milletperver insan olaraq yaşaycaqtır. Öyle vaqıt kelir, onıñ adı qaysı bir soqaqqa berilir em de o, öz qolunen qurğan ve soñki 30 yıl yaşağan evinde Hatıra tahtası qoyulır, çünki buña lâyıqtır.

İzet ağa İZEDINOV vefat etkeni munasebetinen onıñ qızlarına, torunlarına, cümle soy-aqrabalarına teren ve samimiy taziye bildirip, tükenmez sabırlar ve baş sağlığı tileymiz.

Merhum ağamız Allanıñ rahmetinde olsun.

Qırımtatar Milliy Meclisi

Qırımtatar Milliy Qurultay tarafından saylanğan Merkeziy Saylav ve Teftiş Komissiyalarnıñ azaları, dostları, safdaşları.